香港股市 將在 2 小時 3 分鐘 開市

【扮工收風】同事派帖唔派餅卡 被鬧小家

同事請飲呢家嘢真係要好小心處理,因為做錯一步,都直接影響同事關係、上司觀感,甚至前途。 

之前聽過好多人亂炸同事嘅個案,三九唔識七都炸,令到同事忍唔住藐爆咗。亦有同事唔知死咁派帖俾遙不可及嘅大老闆,同事知道咗之後都O晒嘴。 

而近日朋友公司又有人因為派帖瀨嘢,就係男同事派帖俾同事,竟然冇餅卡,有直腸直肚嘅同事知道咗之後都忍唔住話佢「小家」,男同事聽到面都紅晒。 

男同事當下解釋,男家唔興派餅,但有同事就覺得一場同事,禮貌上應該請大家食,傳統做法應該先放埋一邊。 

最後男同事第二日就自己買咗幾打西餅俾唔同部門,話補請返大家食餅。做到咁同事都唔多收貨,職場真係難撈呀!

===================

19網輕鬆爆料熱線,歡迎舉報老細同事19惡行,立即click入去講畀我哋知啦