【扮工收風】大專公關 返一日工就辭職

以下係大專公關真人真事，大家一齊來評評理。

小編有朋友做專上院校嘅公共關係部門，剛剛請咗個新人，返工一日之後，第二日就話家庭原因要即走，令到上司同一眾同事O晒嘴。

重點是，那位新人，已經食了welcome lunch。

呢個部門向來請人已經好保險，因為驚佢哋做一陣就唔做，所以一向都唔請太後生嘅人，專門請有家室、有小朋友、有家庭負擔嘅打工仔，估佢哋都唔可以話起身就起身，令人手可以穩定啲。

所以新請嘅人都係講緊近40歲、有2個小朋友嘅女人，諗住應該好穩陣，點知佢返咗一日工、食埋個welcome lunch之後，就突然話唔撈，聲稱話屋企有事。

同事覺得奇怪，因為其實第一日佢都表現正常，又冇咩俾嘢佢做住，佢仲自動請纓想舉手做project。

所以同事懷疑佢係同一日收到另一offer，於是及早斬纜。然而大家對於一個中年人咁兒嬉、咁不負責任嘅工作態度仍然好不滿。

自斷後路係職場大忌，但年紀一大，的確要珍惜另謀高就嘅機會，如果係你，你會唔會決定辭職？

===================

19網輕鬆爆料熱線，歡迎舉報老細同事19惡行，立即click入去講畀我哋知啦