【扮工收風】老細叫人碎爛freelance發票當無收
上回講到某文化機構就算有晒白紙黑字,部門老闆都可以因為一句budget唔夠,決心唔找freelance數。
身為freelance當然追數當食生菜,於是將invoice連埋被order做嘢嘅證明文件,一次過郵寄俾相關部門,等佢哋正視事件,廢事對方扮冇睇過同冇收過invoice。
正本寄出後,相關部門嘅同事原本話收到,並交咗俾老闆,但話咗幾日,同事想trace返份文件,已經搵唔返。部門老闆貴人事忙,當然一口肯定冇收過,同事都唔敢再出聲。
最後經不同渠道了解,先發現老闆疑似一早叫咗秘書拎份invoice正本去碎紙機碎咗佢,扮冇收過,做法相當無賴。
某freelance得知呢個情況後,已經醞釀緊下一步行動。欲知後事如何,請看下回分解。
(事件上集傳送門)
===================
19網輕鬆爆料熱線,歡迎舉報老細同事19惡行,立即click入去講畀我哋知啦