香港股市 已收市

【扮工收風】PR老闆想cut晒freelance

經濟唔好,股市大跌,公司生意差,搞到個個部門都要炒人同cut budget。老闆早前叫大家list返晒依家有啲咩工作係判緊出去做,講到明好大機會以後要自己做返。

小編朋友最近唉唉聲,因為預視嚟緊會好多嘢做。佢做PR,原本手頭上好多工作都搵緊freelancer幫手,包括新聞撮寫、影相、幫管理層搞緊嘅傳媒工作坊等。

但因為部門要cut budget,所以老闆已經講到明,嚟緊呢堆嘢全部要同事自己做返。即係同事要5點半起身睇晒全香港同自己相關嘅新聞,再用一大段時間譯英文。

同事去event盡量可以唔book攝影師就唔book,叫識影相嘅部門同事,自己拎部大機影。就連請公司幫手做media training都慳返,搵同事自己砌powerpoint,再由同事自己做分享。

難怪同事聽到呢個消息,都即刻苦瓜乾面口。

===================

19網輕鬆爆料熱線,歡迎舉報老細同事19惡行,立即click入去講畀我哋知啦