雅虎香港財經 
【森美旅行團2】吳若希主持依然煩膠 網民負評：大台冇人？
無綫節目《森美旅行團2》上星期開始出街，由森美叔叔、綜藝女王麥美恩、香港先生丁子朗同歌手吳若希主持。播出以嚟迴響都唔錯，不過就唔包括對吳若希嘅評價啦！網民唔單止未睇先負評，直指大台係咪冇人到要搵淨係識大叫「點解嘅」嘅吳若希做主持，又話佢依然煩膠⋯⋯究竟人妻吳若希有咩變化，今輯節目又有咩表現？一齊嚟睇吓啦！
撰文：東方新地 ｜圖片：TVB節目截圖、連登討論區、YouTube、Instagram
延伸閱讀：
（有片）《延禧攻略》爆笑NG片曝光！佘詩曼雙語讀對白，一招K.O內地演員！
吳若希主持《森美旅行團2》 網民負評
《森美旅行團2》當然有森美叔叔，一拖三，拉埋舊班底麥美恩、新團員小鮮肉丁子朗同埋人妻吳若希。森美負責帶團，麥美恩負責搞笑，丁子朗負責騷肌，但吳若希嘅定位真係唔係好掂，難怪引嚟唔少負評⋯⋯
今晚做慈善，可以幫到人， 已經是一件超開心的事！ 但更開心的是， 可以和一班好朋友一齊做慈善， 有沒有發現大家都笑得特別開心😃😃 #團友們 #嘩鬼們 #幕後們
A post shared by 吳若希 (@jinnyng) on Jun 16, 2018 at 9:59am PDT
網民都不解點解無綫會搵吳若希做《森美旅行團2》主持人，睇嚟佢做咗人妻之後，觀眾緣依然都係麻麻哋啦⋯⋯
上一輯嘅女主持就仲有黃心穎同高海寧，兩位女藝人都係女神／BB級。相比起嚟，吳若希嘅受歡迎程度都差幾遠吓！
吳若希「螢幕初浸」輸俾高Ling心穎BB
今次拍《森美旅行團2》，吳若希雖然都有獻出「螢幕初浸」，但都係無力挽回啦！景色普通，吳若希嘅睇頭都好普通⋯⋯
要睇浸溫泉，相信大家都會比較想睇身材出眾嘅高海寧多啲啦！
麻煩幫我P走他們！🤣🤣 #愛搶鏡頭的兩兄弟 #賭城群英會 #小北 @wonghoyinraymond @dominic_hhm
A post shared by Ko Ling 高海寧 (@sammkoling) on Jul 4, 2017 at 2:28am PDT
☀️ On vacation with my bestie♥️ photo by @winniethesze
A post shared by Ko Ling 高海寧 (@sammkoling) on Mar 15, 2018 at 9:40am PDT
其實上一輯高海寧嘅穿衣風格都好型格好好睇，係另一個看點！
A post shared by Ko Ling 高海寧 (@sammkoling) on Sep 23, 2017 at 3:39am PDT
另一個懂我的攝影師😍 Photo by @mayannem . #原宿街拍 #裝b一下 #kolingintokyo
A post shared by Ko Ling 高海寧 (@sammkoling) on Sep 19, 2017 at 11:12pm PDT
而上次心穎BB都有份浸溫泉，加埋個靚景，成件事都好賞心悅目！
A post shared by 黃心穎 Jacqueline B. Wong (@jacquelinebwong) on Nov 2, 2017 at 8:06am PDT
This view though 😍😍🌈🌈 #森美旅行團 #nofilterneeded
A post shared by 黃心穎 Jacqueline B. Wong (@jacquelinebwong) on Nov 2, 2017 at 5:59am PDT
《森美旅行團2》瘋狂唱歌
今次做主持，吳若希就冇好似之前咁瘋狂問「點解嘅」，但就轉咗另一樣嘢嚟煩觀眾⋯⋯就係瘋狂唱歌啦！其實睇睇吓旅遊節目，真係唔係特別想聽佢無啦啦又開金口⋯⋯可能寫劇本嘅人下次都係要再諗諗佢啦！
諗起吳若希嘅經典歌曲，又點可以唔睇當年日播夜播嘅〈越難越愛〉呢？無綫咁搞法，令好多網民都覺得首歌聽到勁厭，又係因為煩而引嚟負評！
水母刺身係海蜇！點解嘅！
另一個惹負評嘅原因就係吳若希有時主持風格都幾無厘頭、傻傻吓咁，咁講嘢就又有啲無聊同又係煩⋯⋯好似有一集佢就好想分享一件自己同老公嘅「趣事」，講起佢老公有次食飯話想叫「水母刺身」俾佢食，但吳若希就發現只不過係海蜇。
嗯⋯⋯咁水母就真係海蜇啊嘛！除咗「哦」一聲，其他人都唔係好知點接落去，Noted with thanks⋯⋯
點解魚頭會有第三隻眼嘅？
喺另外一集，眾人就去到一間出名食魚頭嘅餐廳。森美介紹嗰陣就話間餐廳有七種烹調魚頭嘅方法，唔知吳若希聽到啲咩，就問枱面嗰兩碟係咪嚟自同一條魚！但明明就可以見到兩碟夾埋有三隻魚眼⋯⋯
到森美大哥逐隻眼數俾佢睇嗰時，吳若希都仲係呆呆地咁淨係識得傻笑，而丁子朗同麥美恩個樣都好老尷！
煩膠地獄廚神：雞肉刺身
除咗煩同埋無厘頭之外，吳若希另一個之處就係嘈，好嘈！之前佢上《美女廚房》，大家除咗可以發現人妻吳若希原來係地獄廚神之外，仲可以聽到佢嘅尖叫聲。
吳若希煮到咁，點食啊！難怪一班主持人都想倒哂啲「雞肉刺身」去，但吳若希就即刻尖叫，叫好友胡鴻鈞唔好，仲話唔可以浪費佢嘅心思⋯⋯陰公，嘢係唔可以亂食㗎！
《街頭魔法王》瘋狂尖叫：「點解嘅？」
回想起吳若希初出道時真係觀眾緣奇差，被網民瘋狂俾負皮！不得不提嘅當然係佢主持無綫節目《街頭魔法王》嗰時，瘋狂尖叫「點解嘅」，勁浮誇，真係煩到有啲頂佢唔順⋯⋯
唔係講笑，呢個時期嘅吳若希集煩、嘈、膠於一身，小編真係睇唔哂條片，大家不妨挑機。
即刻重溫吳若希嘅「星星負皮卷」：
盤點《美女廚房》7大新地獄廚神！Bob大嗌：行開啦八婆！
延伸閱讀：
