【淪落人】外傭被揭唔肯拖小朋友

尋日開始，主婦Group有一則投訴外傭post成為熱話，話說有主婦於東港城影到有外傭在照顧小朋友時，揈開小朋友唔肯拖手。據說主婦追蹤了好一段時間，發現除了揈開手，外傭還怒目望向小女孩，態度極差，有主婦直言無異於疏忽照顧。

有人覺得外傭都係打工仔，總會有一日西面；別人放棄自己家庭，離鄉別井幫香港人打工，點知「唔想拖都比人上綱上線」，建議僱主唔好再請工人。

但認為是疏忽照顧的人認為，唔肯拖，代表該外傭無愛心，即使是小朋友頑皮在先，也要盡力照顧好小朋友，否則一不小心走失就後悔莫及，所以更要提醒家長，最好自己帶返小朋友。

以下是一班僱主的反應：

「如果係我，我真係會當場報警」

「同小朋友出街，無論任何情況任何環境都一定要拖實小朋友！」

「點解我地要逼住請呢啲人﹗」

「針唔拮到肉唔知痛」

「呢啲咪叫工主囉，妹仔大過少主，佢哋有乜資格發少主脾氣呢？而且基於安全問題，絕對唔可以鬆開小朋友的手置之不理！」

睇完反應後，只能說外傭與僱主雙方的相處方式，真的不是一套電影《淪落人》就可以打破的。

===================

19網輕鬆爆料熱線，歡迎舉報老細同事19惡行，立即click入去講畀我哋知啦