香港股市 已收市

【熱話】廣告界上司:我覺得「任何仁」好怪!

creative嘅高層,好似往往都唔係好識欣賞其他人嘅好,準確啲講,就好似一個永遠唔跳出框框嘅人批評其他人唔跳出框框,然後當你跳出框框,就質疑你點解要跳出框框一樣。 

呢幾日消防吉祥物「任何仁」大熱,話說廣告界朋友公司開brainstorm會,自然有同事拎出來討論,有同事就覺得「任何仁」呢個campaign搞得好成功,亦講到好欣賞政府呢啲咁官僚嘅體系,竟然容許「任何仁」走出來「搶foc」,證明政府愈來愈識玩社交媒體,「我們做creative更加唔可以輸俾政府。」 

唔知係咪崩口人忌崩口碗,同事呢一句「唔可以輸俾政府」就引來team head嘅強烈反彈,佢話:

「老實講,我覺得任何仁好怪囉!首先一身藍色好怪,完全唔知佢想表達咩。第二,任何仁個名又好怪,娘嘅程度拍得住政府宣傳更換智能身分證上面用嘅假名。第三,社交媒體似笑佢囉,好影響個brand,我絕對唔容許你哋propose呢啲怪嘢俾啲客。」 

Team Head呢番酸味極濃嘅說話令會上全部人都dead晒,會後大家都在whatsapp群組私下討論,最搞笑嘅一句莫過於「任何仁都可以做creative,因為做creative嘅人係唔使creative。」 

打工仔,共勉之啦!    

===================

19網輕鬆爆料熱線,歡迎舉報老細同事19惡行,立即click入去講畀我哋知啦


【相關搜尋】任何仁被瘋狂抽水