【熱話】某大行地產經紀:$8000底薪要返朝九晚九
加息加中美貿易戰影響,近來樓市靜到好似一盤死水咁,連之前「得天獨厚」嘅細價樓都變晒籮底橙,搞到近年風光程度一時無兩嘅地產佬都由天堂跌返晒落地獄,個個網上訴苦,話要委曲求存。
有某大行嘅地產經紀已經講到大行開始逼人走,月入去返$8000底薪年代,仲要返朝九晚九。
亦有行內人爆料,有大行老闆扮晒出$8000底薪,但等到有佣出,就扣返$3000,仲要累積每個月計,實質得果$5500一個月,慘過做外賣仔。
不過有網民就覺得有幾耐風流就有幾耐折墮,樓市好景時,地產佬一個月最少出5-6萬,最多有成8-10萬,呢啲時候就係威,出席朋友聚會奉旨曬命。到樓市唔好,就絕跡所有聚會,一啲聲氣都冇。
有人仲覺得現階段未算最慘烈,真正嘅大逃亡將會發生喺農曆新年之後。但小編就覺得地產佬唔掂,經濟唔好,各行各業打工仔都難獨善其身啦,所以唔好咁老定~~
來源:香討
===================
19網輕鬆爆料熱線,歡迎舉報老細同事19惡行,立即click入去講畀我哋知啦