香港股市 已收市

【熱話】清潔工匿公廁食飯

外判清潔工被剝削嘅新聞時有聽聞,但未親眼見過,都唔會有切身感受。有網民日前就喺facebook上載咗一張清潔工喺旺角某公廁入面食飯嘅相,覺得好「心酸」,仲問「香港點解會搞成咁?」。 

呢張相入面見到,清潔工喺公廁洗手盤食飯,擺晒水樽同兩盒餸菜,引來大批網民轉載,瞬間成為熱話,仲批判清潔公司係元兇,而政府帶頭縱容外判,置老百姓於不顧,緊係幫兇啦。有唔少留言仲tag埋特首,等佢知道人間疾苦。 

睇過唔少清潔空缺,收入一般都係近萬咁上下,圍起嚟時薪50蚊左右,最離譜係見到有觀塘區屋邨「一般屋邨清潔工人」,上午7時至下午4時開工,每週工作6天, 但每小時只得$35.00,認真欺人太甚。

但現實世界我哋控制到嘅事實在太少,鬧清潔公司嘅同時,不如大家都做好啲,用行動關心清潔工。好簡單,就係當公廁係自己屋企洗手間咁用,間接幫清潔工改善工作環境,絕對係一件好事呀! 

來源:facebook

===================

19網輕鬆爆料熱線,歡迎舉報老細同事19惡行,立即click入去講畀我哋知啦