香港股市 已收市

【熱話】職業是否無分貴賤?

早前小編貼過本港最難做五大職業,記者、教師、警察,齊齊上榜。

勢估唔到,打工仔唔只難做,最近睇到個facebook專頁,甚至已經有人開始質疑,到底職業係咪真係無分貴賤?會唔會,有啲職業真係賤啲?

該專頁貼文說:「作為一個Headhunter,我想講少少嘢---從此以後,我唔再相信「職業無分貴賤」呢句說話,因為有啲職業,真係可以好賤!」

有讀者話,佢曾經都係一個headhunter,尊重各行各業嘅價值,但「第一次想講唔好叫我recruit 警隊,幾多錢佣金都唔做」;有讀者就話,「每個人價値觀唔同,小弟自問真係無能力同無本事賺,但唔好跌咗個良心」,不過都有人幫警察講說話,認為「講句公道少少,完全係人格道德問題,唔關職業事」。

該貼文已有12000like3300幾個分享,好多網民留言話講出心聲,群情胸湧。

不過小編,就有少少唔認同,唔認同嘅原因,唔係話所有職業都平等,而係覺得,應該講職位,而唔係講職業,有啲職位真係賤啲,人工仲要賤過地底泥。

對住「職業無分貴賤」呢句,其實就算唔講政治,大家都忍咗好耐啦。

來源:辦公室日報

===================

19網輕鬆爆料熱線,歡迎舉報老細同事19惡行,立即click入去講畀我哋知啦