香港股市 已收市

【熱話】見NGO工的奇怪事

唔知大家有無見過NGO工?見NGO工,好多時你都唔會知佢請人標準,亦都唔會知自己點樣可以見得成份工。話說最近有NGO群交流,有求職者貼上見NGO面試官的種種行為,唔知你有無同樣經驗呢?

  1. 全程以審犯方式提問。
  2. 入職要求承諾「加入/轉會」至機構的附屬/姐妹教會。自己教會返得好地地,卻要被踢入會,仲要被要求一定要十一奉獻。 
  3. 查家宅,未有工作關係就已經起求職者底,問求職者家中有咩人、兄弟姐妹年紀、父/母何年何月去世、咩原因去世、依家屋企有咩人同住。 
  4. 安排混亂,要求職者無緣無故係一個無人嘅大禮堂入面,乾等兩三小時,機構又唔會交代一下個流程、仲要等幾耐。 
  5. 遇過負責面試嘅人全程玩手機,雖然話可能涉及處理公事,但呢個行為未免令人覺得唔識尊重求職者。
  6. 未入職,已經邀請你參加當日的祈禱小組,食完LUNCH一齊同上帝分享心事。

其實,小編身邊都有好多朋友,滿懷理想做NGO(最近因為錢太少想走),多年來實在見得太多上述個案,大家真係要小心中伏。

來源:香討

===================

19網輕鬆爆料熱線,歡迎舉報老細同事19惡行,立即click入去講畀我哋知啦