香港股市 已收市

【熱話】電腦保安做5年 人工2萬變8萬

你冇聽錯,呢個係Recruitment Agent 在討論區爆料,講到自己遇到個打工仔,從事電腦保安行業,差不多每年轉工,做親都contract工,一開始畢業就搵2萬蚊,然後做咗5年,跳到依家月入8萬,然後想agent幫佢搵份10萬人工嘅工。 

好多人原來都唔知電腦保安咁好搵,因為市場上需求好大,有網民就舉例知道有銀行個Payme app出事被人hack咗,第二日已經話要登報重金禮聘請人。 

亦有人跳出來話自己個friend都係做呢行,6萬一個月,不過成日被人炒,好快轉公司,不過最少講緊8年經驗。所以都認為打5年工賺8萬,絕係勁嘢。

其實,香港對呢方面嘅需求,只會愈來愈大﹗根據資料,香港電腦保安事故協調中心去年處理6000多宗事故,其中以惡意軟件攻擊達到2000多宗,比前年大增接近8成,另外網上商業騙案宗數,去年與2013年相比,亦大幅增加三分一。

電腦保安,隨時比你個管人上司更加重要。

所以話,只要識入行,入到朝陽行業,人工閒閒哋都過5萬,好搵過好多香港人啦。 

來源:香討 

===================

19網輕鬆爆料熱線,歡迎舉報老細同事19惡行,立即click入去講畀我哋知啦