研究顯示：被公司炒魷魚 有助激發競爭力

返工不如意事十常八九，但有外國研究指出，就算打工仔女被公司炒魷魚，都唔一定100%係壞事。

據芝加哥管理諮詢公司ghSMART嘅「CEO基因組項目」（CEO Genome Project），對超過2600位管理者進行長達10年研究，有45%稱曾經歷至少一次重大嘅職場危機，例如被公司解僱，或破壞了一筆大生意等。不過，當中78%嘅人最終成功做到CEO，結果相當勵志。

事實上，研究人員對360位受訪者進行額外調查。數據顯示，有18%嘅人坦言曾遭公司解僱，而大部分人更係位踞較高級職時被炒。當中，有68%稱被解僱後6個月內成功搵到新工；另有24%亦於1年時間成功就職。令人意外的係，當中有91%嘅人都搵得到同之前差唔多職級嘅工，甚至擔任更高職級，變相升職。

研究人員表示，不少招聘經理都明白人誰無過，應徵者嘅實戰經驗，以及如何面對挫敗嘅態度，才是決定成功的關鍵。有數據顯示，只懂指責他人的應徵者，其成功獲聘機會大減三分之一。

此外，比起會從錯誤中學習嘅人，將「錯誤」視作失敗嘅人，佢哋事業成功率足足低50%。

呢個世界確係有危就有機，只要受挫時唔玩頹廢，才有機會遇到生命中嘅伯樂，大展拳腳。

來源：Harvard Business Review

===============

財經精選資訊網站「中環街市」 臉書粉絲頁

【相關搜尋】員工被炒可以點