香港股市 將在 6 小時 8 分鐘 開市

美元要離岸?現金唔好擺屋企

.

最近人人都話要開離岸戶口,但聽講有大行開戶最少都要預約兩個星期。

未開到嘅朋友就教路不斷唱定美元現金擺屋企,必要時就一磚磚搬走云云。

擺幾十萬以至百幾萬喺屋企,其實都幾高風險。先唔計「家賊」,筆者有住村屋的親友去年就試過有賊入屋「爆去」數十萬美元現金,為避險得不償失。所以今年以來,當每次聽到有人要話將現金放在家中的時候,就會不其然想到這個悲慘例子,提醒將錢放在家中,都未必安全。

.

之不過,數十萬美元現金,其實都係小巫見大巫,最近日本就有單駭人聽聞嘅新聞,屋主被揭家中藏有3億日圓現金(2100多萬港元),場面肯定墟冚過《富貴逼人》肥姐大手數銀紙的經典場面。

.

話說《鬼滅之刃》動畫公司「ufotable」的50歲社長近藤光被指逃稅1億4000萬日圓(約1000萬港元),原來在東京國稅局上門搜查之時,竟揭發近藤社長家中,私藏有3億日圓現金。

根據案情,近藤光涉嫌將公區4間舖嘅現金收入,保管家中而不入帳,涉嫌逃稅,該些現金相信就係公司收入,咁就被政府尋回。

或者件事同樣提醒大家,如果資金真係要走,離岸、銀行、美股戶口⋯點都好過放屋企?

===============

精選資訊網站「中環街市」  臉書粉絲頁