美國引入新LV工廠
唔好以為特朗普只會同中國糾纏,原來佢靜悄悄,已經引入咗新LV工廠到美國。
話說就係LV落戶德州Johnson County嘅皮件工廠,特朗普百忙中都勁畀面,同「第一女兒」一齊剪綵。
剪綵當日,LVMH主席兼行政總裁阿爾諾(Bernard Arnault)同LV CEO Michael Burke都有出席,特朗普坦言自己花了不少金錢,在這個奢侈品牌之上。
Arnault強調美國製造會跟歐製採同樣工藝水準;雖然有人質疑,消費者見到「美國製造」會唔開心,但Burke強調,其實自從1950年代起,已經有喺美國設計產品。
根據資料,較早前LV原來已承諾特朗普在美國創造就業,以是次德州工廠為例子,目前就僱用了約150人,涉資2600萬美元,Burke透露預計未來3至5年,LV會繼續在當地開廠,為美國提供約1000人就業。
今次亦都係LV第3間在美國設立嘅工廠,另外兩間位處加州。
雖然,美國有不少網民都質疑,點解LV會變「美國製造」?奢侈品工廠又可以幫到幾多就業?但以LV只係LVMH旗下其中一個品牌來講,呢條水,唔細喎。
===============
精選資訊網站「中環街市」 臉書粉絲頁