香港股市 已收市

【職場】「即時返工」有好大優勢

如果你請人,會唔會請一個可以「即時返工」嘅求職者?呢個問題,最近HR朋友們傾開,話其實對於唔少老闆上司來講,都非常掙扎。

尤其是你非常等人駛之際,雖然有一位可以即時返工嘅求職者出現喺你眼前,但呢位求職者筆試唔係特別好、面試唔係特別好、人工又唔係開得低,係你明知請佢都唔會有突破嗰種,之但係佢可以即時返工!「即時返工」對老闆或上司來講,有相當大吸引力。 

至於點解一個人唔使一個月通知就可以即時返工?HR話通常係以下幾種情況:

  1. 剛剛合約完咗,選擇唔續約。
  2. 屋企唔等住自己開飯,可以裸辭,心情好先再apply工。
  3. 因為生仔或者湊仔,所以辭咗職養胎或做full-time mum,做做吓突然發現唔夠錢使,想做返嘢。
  4. 工作表現差、俾人即時解僱。
  5. 做開freelance,但計唔掂條數,都係決定投入返勞動市場。
  6. 因為身體健康問題而辭職,如今因為身體康復少少而想重投工作。 

其實除咗第一點係HR或者老闆比較接受之外,其他都令人有些卻步。但因為可以即時返工,所以又諗住可以搏吓、睇吓可以做到幾耐。 

講到最後,如果你可以「即時返工」,請珍惜你的優勢。

===================

19網輕鬆爆料熱線,歡迎舉報老細同事19惡行,立即click入去講畀我哋知啦