誰來拯救廚師腸?
廚師腸生產商Zacky Farms破產消息傳出後,火速掀起廚師腸搶購潮。以Zacky Farms規模,其實不少中港企業有本事策動收購,從「協同效應」考慮,至少有三間企業適合成為廚師腸白武士。
最順理成章係香港進口代理廚師腸的大昌行,廚師腸生產商出事後,大昌行隨即大派定心丸,強調會與不同生產商合作並繼續在香港分銷廚師腸。此講法點出重點係財困的只係美國生產商,廚師腸商標其實掌握在食品巨企Cargill手上。
不過以大昌行母企中信集團的實力,由中信集團出手收購Zacky Farms亦有著數。首先係出手打救有用心經營的美國企業,可以在貿易戰上為中國取回不少「面子」。
其次係中信集團銳意拓展內地餐飲業務,掌控原汁原味廚師腸生產權及貨源後,既可以此為賣點在內地大搞「港式冰室」、「美國味道」力推全日常餐,甚至在中港兩地麥當勞早餐加入廚師腸,亦可以吸引不少廚師腸忠粉,就算特朗普來中國,習大大都有這一道家鄉「小菜」出手。
除了中信集團,藍籌豬肉股萬洲國際亦適合充當Zacky Farms。萬洲國際在今年算係藍籌「狗股」,受中美銷售下挫拖累,股價一直積弱。要振興股價,最好有一些新業務刺激一下,出手打救Zacky Farms,既可以為自己多添一個知名凍肉品牌,更重要係廚師牌是雞肉腸,不受內地豬瘟消息影響,算係為豬肉業務加多一道緩衝措施。
黑馬之選還有本地薑捷榮國際,原來捷榮除了咖啡茶,近年亦積極開拓預製急凍食品業務,假如與合作開平日消耗大量香腸的本地快餐企業合作收購Zacky Farms,急凍食品業務便可以增添一款美國製造又有品牌效應的皇牌產品,更可以運用本身開發產品的經驗,好好發揮Zacky Farms工場開拓更多新產品,假如「活化」Zacky Farms成功,就可以多一項長賺長有的收入來源了。
===============
財經精選資訊網站「中環街市」 臉書粉絲頁