雅虎香港財經 銘想英國｜英國買屋：Where？How much？｜陳思銘
家姐將帶兩個外甥移民讀書，今次置業是他們用作自住，在半年內揀好地區、買屋收樓，以及裝修買傢具。以往亦有不少家長朋友問置業意見，投資出租有數得計，但換轉為自住，思路想法就不太一樣。早前收到海量Inbox，統統問How much、Where？
至於新屋的地區，不是港人熱門城市或隱世後花園，而是位於英國中部的Northamptonshire，距離倫敦個多小時車程，向上走就到Nottingham 或Birmingham。
Northants於18、19世紀為工業發展地區，以製鞋和皮革工業為主，也曾發展大型鐵礦採石，大部份是農村。而Birmingham的中心有河道，是鐵路及蒸氣機製造中心，為交通命脈。工業發展為主的中部地區，不是傳統中產階級會選擇的地區。不過，近郊位置有不少country house，也有不少中產富人居住，已故王妃戴安娜也曾居於Northampton的Althorp家族大宅。
家姐性格簡單直接，最初只想去世外桃園峇里島，閒時去潛水，後來半推半就改去英國，又想遠離倫敦，南部海邊是舒服，但想到六、七小時車程，需要幫助時，就遠水不能救近火。
數post code睇校網，一定有更多更好的靚區，但買樓要睇預算。我的事業雖有基礎，但不至於無負擔，家姐只是剛到埗仍在摸索，現階段不需住最好的country house、揀最貴的Kensington或倫敦zone 1，居所治安好、適應到最重要。
又其實距離倫敦一、兩小時車程，已經足夠遠離城市生活，而中部地區交通四通八達，大半小時至一小時車程，其實已去到不少地方。我早鎖定Oxfordshire、Nottinghamshire等地區，最後決定Northamptonshire，因Towcester生活圈近MK，補給生活用品只需15分鐘車程，配套方便。
新屋五房連花園，預留位置給父母探孫旅行，又或者方便我工作。屋外對正單車徑，閒時外甥可在附近踩車，屋苑附近有大馬場，當然不是為賭馬，但感覺就有點似落戶跑馬地馬場旁邊，純粹情意結。一堆原因全都是圍繞家人實際需要。
移民為重要決定，難免想有明燈指引。網上有太多所謂懶人包，用數字比對樓價、校網及治安。事實上，每個城市總有優點及缺點，與揀學校一樣，沒有最好、只有最適合，買樓我不是專家，純粹有點個人心得可分享。
英國邊區最好？適合自己家庭就係最好；幫外甥揀咩學校？下回再講。
陳思銘 Samuel Chanhttps://www.facebook.com/ukchitchat
註：專欄作家言論不代表本網立場
