陳展鵬宅湊女陪便便 謝嘉怡叫阿媽來港避炎

陳展鵬指疫情下有更多時間陪妻女，享天倫樂。

視帝陳展鵬昨日返電視城出席活動，面對有公司員工確診新冠肺炎，他坦言未有過分擔心，但會減少帶女兒出街，寧願多抽時間在家陪伴，又笑指女兒現時每逢「便便」都會呼喚他，非常忙碌！

陳展鵬與應屆港姐謝嘉怡、陳楨怡及郭柏妍等昨日出席《愛心曲奇暖萬家》慈善義賣活動。鑑於電視城有員工確診新冠肺炎，故一眾出席的藝員、嘉賓及工作人員均嚴陣以待，全程戴上口罩，上台前還要消毒雙手，玩遊戲用的道具耳筒事前亦已消毒，確保衞生。

台慶除罩：有共識

對於有同事「中招」，展鵬表示未有太擔心，認為最緊要做足清潔及安全措施。談到日前台慶，不少藝人冇戴口罩而被批評防疫意識差，他說：「我哋有共識，因為公司53歲生日，但一落台就即刻戴番口罩，當日都冇現場觀眾，我又冇返去綵排，最近都減少聚會，希望快啲有疫苗，有需要都會去打針。」提到女兒年紀尚小，展鵬坦言的確甚少帶她外出：「大人做嘢冇辦法，但會多啲時間陪個女，依家個女去大便就會搵爸爸。（生多個陪個女？）都係嘅。」

至於謝嘉怡透露家鄉蘇格蘭疫情嚴峻，她所住的區域更封城，所以擔心當地家人：「嗰邊又少人戴口罩，叫咗媽咪唔好出街。（媽咪嚟香港陪你？）係，會照原定計劃1月嚟，我覺得香港安全啲！」

郭柏妍（左起）、謝嘉怡與陳楨怡全程戴罩唔敢除。

陳展鵬即場籌款，嘉賓慷慨解囊。