香港股市 已收市

騰訊一度重上400蚊 跟沙加有關?

今朝股王騰訊再次觸及400蚊,為去年6月中以來首次,有人話,係因為國產遊戲審批名單日前批出,騰訊榜上有名,有傳則是因為今朝騰訊旗下一隻「明星級」遊戲,推出殺手級角色引人課金有關。

筆者其實係講緊近月打鑼打鼓、鋪天蓋地宣傳嘅騰訊《聖鬥士星矢:覺醒》,Gamamobi遊戲平台代理嗰隻,話說今朝台版推出「開眼沙加」,筆者有好幾位朋友都花了至少6000元港幣,去抽呢隻虛擬角色。

如果對呢位角色有了解,會知道沙加係處女座嘅黃金聖鬥士,被譽為「最接近神的男人」;沙加平日為儲能量,慣於合上雙眼,而今朝推出嘅版本係「開眼」版,有幾緊要,可想而知。

近年中國(好快到香港?)影視娛樂,處處犯禁,反而「宅經濟」的消費力唔算太差,所以玩家都好捨得課金貢獻遊戲代理/開發商。遊戲不一定要多,但一定要夠吸引力,而授權遊戲向來都有保證。

講返正題,今朝騰訊《聖鬥士星矢:覺醒》,的確有唔少玩家課金,甚至有玩家群組傳出,因為沙加,騰訊一度衝上400蚊。

同大家計一計,此game內購買5980點劵要99.99美元,圍起來每60點劵要1美元,以抽蛋10抽計算,要用上1000點劵,即是要差不多17美元才可以抽獎10次;筆者朋友很多都用了350400次抽,換言之,彈指之間,已經可以吸去680美元。

當然課金收益不是直接支付騰訊,可能是玩家抽不到的怨氣太重,所以才想多了。

其實,日本game企向來都是以課金量看業績,報告甚至會列明大pool抽蛋日子如何提振業績呢~~

===============

精選資訊網站「中環街市」  臉書粉絲頁