騰訊旗下工作室 強制6點收工
日日長工時真係好難捱,尤其是內地「996」文化屢遭批評。
但騰訊(700)呢一兩日就搶盡光環,話說有騰訊員工上網爆料,曾負責製作《和平精英》的騰訊旗下IEG光子工作室,要求員工不加班。
美股、外匯、加密貨幣免費即時報價,自選投資組合獲取相關新聞提示
杜絕「通宵加班」
工作室將於本月14日開始推行「強制不加班雙休」政策,把星期三定為健康日,九點半上班,強制下午六點就要下班,唔准OT。至於新政策亦規定星期三以外的日子,晚上九時就要離開公司,杜絕「通宵加班」。
今次是號稱最忙的手游開發部門都「強制6點收工」,其他部門或公司還會遠嗎?
平時打工仔最期待老細可以開恩唔加班,但據騰訊規定,光子工作室員工則反過來「如果因特殊情況需要加班,必須提前向領導申請並闡明理由」,工作室鼓勵員工「快樂工作」。
對於「強制6點收工」,雖然惹人羨慕,但都有啲清醒打工仔,認為可以6點收工,可能只係部門太賺錢,早收工係回饋,而從老細角度,如果工作根本做唔晒,6點離開公司,其實意義不大呢。