高峰期123磅!阮兒狂做運動甩肉:我要爆汗
疫情當前,好多人都留在家中避「炎」,變相少咗運動易肥!「無綫咪神」阮兒自爆肥咗好多,體重更高達123磅,所以最近佢好勤力做運動,務求要搣甩一身肥肉。
尋日佢喺社交網晒出做Gym相,見佢着上粉紅色Sports bra,露出少少線頭。經過兩星期嘅地獄式運動,終於跌番落118磅,不過佢目標係要減多10磅。
佢留言:「呢四個幾月我肥咗好多。(最高峰123磅)現在好努力好努力咁做運動,做咗兩個星期,終於跌番落118磅,仍需要努力,爆汗爆汗我需要爆汗,sweat crying please#都話唔上榜架啦#123pounds #努力咗兩個星期#終於可以影番張相#減多10磅就好啦」