雅虎香港財經 
600萬叫上車盤 置業新思維 生仔包買樓 | 樓市入門 | 香港樓市2018
【上車盤．置業新思維 】有讀者睇完Anthony Sir有份參與的電視節目《Ben Sir睇樓團》後，向Anthony Sir求教。
撰文：1% Anthony ｜ 圖片：新傳媒資料室
延伸閱讀：
中美貿易戰爆發 買樓有價講 樓市率先跌3% | 香港樓市2018
Anthony Sir：
你好！最近觀看你有份幫手的電視節目《Ben Sir睇樓團2》，資料豐富，我學到不少買樓知識。
有一集談及的「上車盤」，應該是屯門區吧？現時仍有400萬元上車盤嗎？
樓價咁貴，我個仔正在讀大學，擔心他將來如何「上車」？我可以買定一個單位給他嗎？
讀者趙先生
400萬元以下上車盤
屯門區確實是年青人的「上車天堂」，不過近年區內樓價已升了佷多，400萬元以下單位所餘無幾，只有二線地段的小屋苑或單幢樓才找到。
政府愈「加辣」，樓價愈升得快。
現時，很多傳統價值觀已經嚴重扭曲，要安居樂業，或要跟着扭曲。
甚麼是「上車盤」？十多年前筆者剛剛「上車」時，這概念比較模糊。
其後，政府規定400萬元以下才可以借盡九成按揭，這個關口漸漸成為「上車盤」的定義。
自從推出非首置15%印花稅後，樓價更失控，400萬元住宅單位買少見少，筆者有不少等待「上車」的年青學生，將目標放在600萬元以下單位。
又要多得政府政策扭曲，因為只有600萬元以下才可以借八成按揭，是政府幫你Set好「上車盤」的概念，已經是600萬元。
買賣概念扭曲
以前買樓會睇呎價，但在細價樓市場，買家已經漸漸失去呎價這個概念了，只要在600萬元以下，業主都可以盡情叫價，例如沙田第一城、河畔花園等熱炒屋苑，每平方呎價已直逼20,000元！
除了呎價，以前買樓還會看租金回報，衡量買入的單位抵唔抵，明顯地今天的買家已沒有理會了，沒有抵唔抵買，只要買得起就買。
以前買樓會講三個Location（位置），崩潰了！筆者有朋友住沙田區、屯門區，簡直是「粉絲」。
真人真事，我曾經跟一位想買沙田樓的朋友說：「呎價貴了一些，呢個價錢，港島東都買到。」
他的「神」回覆是：「港島東咁『吊腳』，沙田舒服好多，方便好多！」
置業概念扭曲
樓又搶，地皮又搶，區區有地王，難怪買家思緒混亂！
除了Location，以前買樓亦很重視面積，人人都想住大一點。
今天呢？同一個價錢，例如500萬元，不少年青人情願住在200呎的納米新樓，也不願意住400呎的舊樓，或600呎唐樓。
住公屋才是人生勝利組
上一代盡可能靠自己，不靠政府，有能力者不會申請公屋、綜援，也為此而驕傲。
今時今日居住公屋才是人生勝利組。
上一代買樓靠自己，今天被嘲為可憐！
筆者聽過有一對年青人的對話：「父母唔俾錢？點買呀？」「吓？你父母淨係俾首期？咁咪供得好辛苦？佢哋都唔鍚你嘅！」
以前話結緍包生仔，今天生仔要包買樓！樓價高企，不但是居住問題，社會價值觀被嚴重扭曲！
體驗1分鐘貸款批核 隨時提款話咁易
平遊東京不是夢！最平住宿喺晒呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
海外買樓做民宿 做業主兼老闆前 4大考慮
樓價幾貴照掃貨 大踢爆！點解內地買家咁有錢
延伸閱讀：
