【BNO續領】續領BNO過關要訣須知

續領BNO火速成為人氣生活課題，現在網上銀行開戶都只係幾個步驟，相比之下續領BNO手續就較煩，要續領成功就要留心一些過關重點。

續領資格

申請文件

表一

網上申請步驟

到續領系統網頁回答一系列選擇題：

你是否在英國居住，在港居住就揀「No」，在地區揀香港再按繼續。

再輸入出生日期

曾否持有英國護照，揀「Yes」按繼續。

你的護照是否已遺失或被盜？已遺失揀「Yes」，系統會轉到網上報失部分（填寫步驟可參考報失手續部分）。未遺失選擇「No」。

填寫簽發日期，再選擇護照簽發部門，BNO如在2003年或以前發行選擇「Other」，1993年或以前發行選擇「UKPA, UKPS, IPS or HMPO」再按繼續。

護照沒有損壞可選擇「No」，有損壞按「Yes」填寫損壞情況再按繼續。

有沒有歸化文件，如沒有按「No」再按繼續。

曾否持有其他國家護照，持有特區護照揀「Yes」再按繼續。

如在香港出生，出生地區揀選「香港」再按繼續。

因應疫情當局會讓大家選擇遲啲搞定現在申請續領，想繼續可選擇「Yes, I want to apply now」。之前系統會列出餘下流程畀你參考：

下一步係先上載相片，規格包括：

• 彩色及清楚對焦

• 最少600pixels寬 x 750 pixels高

• 最少50KB及不大於10MB

• 唔准笑

之後再填寫個人資料（系統或要求申請人填寫父母、祖父母姓名、出生日期、出生地、國籍等資料），再透過信用卡支付費用（34頁十年期連速遞費約1005港元；50頁十年期連速遞費約1100港元）。付款後會收到付有申請編號確認電郵。

報失及副簽

網上申請會詢問你是否遺失BNO，假如已遺失系統會轉到網上報失部分，同樣都係簡單回答問題，值得留意係兩個部分：

首先係之前申請BNO途徑，由於97前係經入境處申請，因此可揀「At a passport office counter」。

其次係警署報失，如只係意外遺失可選擇「No」。

須留意完成報失後將收到電郵確認，並要按電郵列出的英國護照署（HKPO）聯絡電話與當地員工確認。由於手機打長途雜音較多，建議透過固網電話進行致電確認。完成確認後將收到參考編號即可重新提交申請。

假如申請人遺失舊BNO或舊BNO已損壞，又或護照相片樣貌有太大變化，系統會要求申請人提交副簽表格。申請人選擇下載表格，再找合資格副署人簽署。

副署人資格：

• 與申請人認識至少 2 年或以上（家庭成員除外）

• 英國、歐盟、英聯邦或美國等護照持有人

• 專業人士如會計師、記者、老師等

郵寄文件

完成網上申請後，就要在90日內將申請文件（參考表一）郵寄到英國護照署。早前因疫情關係香港郵政只提供平郵服務，但上月已恢復特快專遞到英國服務，一般2至4天就會送達，郵費約二百多元。至於快遞公司，熱門選擇如DHL、FedEx收費約四百多元，考慮到申請人數大增，最好先在網上預約寄件或選用上門收件服務。

過去BNO續領審批過程約四至六星期，不過受疫情影響有過來人表示需時要長達兩個月，想知到申請進度亦可以登入系統查詢。

伸延閱讀：

英國護照署續領BNO須知