香港股市 將在 4 小時 55 分鐘 開市

Market Insight:龍頭內房股借勢追落後

東方日報
若大市短期內反彈,龍頭內房股升幅料不會弱。

上周都幾精彩,本來頭三日幾悶(周一紅日),豈料到周五市場憧憬中美貿談有好消息,結果推到恒指上周五單日升600點報26,308點,主板成交有986億元。但計數的話,全周恒指升487點,即若唔係周五個升市,港股全周仲係要跌!

恒指上升,押注藍籌股最正路,騰訊(00700)、滙控(00005)、中國移動(00941)等重磅股走勢,短中線確有改善迹象,但中線是否已否極泰來,則要再睇睇。

當然,連近期最弱的本地業務股都反彈,就多少為後市帶來希望,地產股如長實(01113)和新地(00016);本地銀行股如中銀香港(02388)及恒生(00011);以至一眾公用防守股都升得唔錯,就反映市底確轉強。

短炒吼中海碧桂園

中美貿談最終達成第一階段協議,對環球金融市場自然係好消息,料周一港股開市點都有幾百點升幅。對人民幣匯價亦會起到支持作用,見一批重人民幣資產的板塊有錢偷步湧入,當中又以上月銷售數據唔錯的內房股走勢最吸引目光,大大隻的華潤置地(01109)更升定先,惟現價去到四月至今多重阻力位近36元水平,唔算太值博,反而中國海外(00688)及碧桂園(02007)近期唔算彈好多,若都係要買大大隻內房,不妨吼後兩者。反之,就算地區性的內房股可能短期都有得升,但若短期真係有個反彈市,相信龍頭內房升幅唔弱。

今周以下數據值得留意,例如中國周二公布的消費物價指數及周五的第三季度國內生產總值,以及美國聯儲局周三公布經濟褐皮書。

古勝

本周重要數據及資訊