【專家分析】港股跌夠未?
【Now財經台】恒指噚日跌穿舊年3月嘅疫情底,睇返《彭博》近30年嘅紀錄,依家恒指市帳率(Price-to-book ratio)已經跌到0.95倍,僅僅高過1998年亞洲金融風暴、舊年3月環球疫情最恐慌呢兩段時間。
如果恒指PB要進一步落到呢兩段時間水平,以依家成分股嘅帳面值計,恒指可能要落到22139至22374點,即同現水平相差約400至600點,依家市況咁弱,似乎唔係冇可能?
潤淼資產管理董事盧志威就睇得樂觀啲,認為恒指短期會觸底反彈,不過,港股入面有好多喺中美角力下嘅制裁股,而相關因素依家先反映喺估值上,所以未必彈得好高,相信揀公用股會穩陣啲。