新加坡金融中心指數超越香港 陳茂波稱不用妄自菲薄
早前中國綜合開發研究院與英國一間集團聯合發布全球金融中心指數,新加坡超越香港排名第三,財政司司長陳茂波發表網誌,指係疫情拖累排名,又話香港更有優勢,唔需要妄自菲薄。 陳茂波表示,香港作為全球第二大經濟體嘅國際金融中心,前景亮麗。佢又引用數據指,港股市值42萬億元,比新加坡股市多7倍;港股去年全年成交41萬億,係歷年新高,比新加坡高出20倍。 佢話,香港一直喺競爭中發展與成長,毋須妄自菲薄,亦唔洗迴避不足,只須實事求是、針對性咁制定有效對策,進一步提升本港金融市場嘅競爭力。