【名家給力場】中美股市調整夾死港股?(上)
【Now財經台】港股今日好似冇事發生,但其實科技指數仍然受壓,睇返噚晚納指、新經濟股嘅調整都似乎未完,即使指數彈都唔代表調整結束,由債息、通脹引發嘅調整係咪未完?
「股市漁夫」創辦人莊志雄指,個頂應該暫時封咗先,但其實都好視乎睇邊個指數,如果睇科技佔含量較高嘅指數,例如納指,近期會出現一個情況,就係道指大升,但納指就跌,依家拖累指數或大市表現,正正係之前最受追捧嘅股票,即係FAAMG,同埋舊年升咗幾倍嘅「股王」Tesla,過去兩星期Tesla股價跌咗12%,如果用高位計,更加跌咗30%,至於市值最大嘅Apple,如果mark高位去到低位,都跌咗差不多20%,好多高追嘅散戶,望住個指數創咗新高,但手頭揸住啲科網巨企未必有表現之餘,甚至可能要輸錢。