【名家給力場】莫家強:玩概念股最忌呢樣嘢
【Now財經台】近日有兩隻美股爆升,分別係已經同前總統特朗普旗下的Trump Media & Technology Group簽訂合併協議的「空頭支票」公司DWAC,同埋特朗普競選團隊有過合作嘅PHUN,原本已經發展到相當飽和程度嘅社交媒體行業,係咪因為「特朗普概念股」再一次成為股市焦點?
資深投資者莫家強指,「特朗普概念股」只係當一個故仔去炒作,玩呢類股票最忌做基本分析,例如分析前景,估算未來市值等,呢種股升緊嘅時候講乜都得,但當莊家沽貨走人時又未必係嗰回事,Alex話概念股風險好高,唔係個個有錢賺,尤其投資初哥,如果想攞「經驗」要睇路。