【專家分析】恒大風暴橫掃成個內房?
【Now財經台】中國恒大(03333)債務危機燒到歐美股市,其中道指噚晚一度急瀉跌近千點,錄得逾1年以嚟最大單日點數跌幅,噚日有超過80%環球主要股市指數都要跌,環球市場係咪開始反映恒大危機可能引發嘅風險?
潤淼資產管理董事盧志威指,睇返恒大嘅事態發展,公司依家去到賣資產或違約嘅地步,差唔多去到最壞情況,不過,恒大事件或會引爆連鎖效應,「底子」比較差嘅內房股,市場開始擔心會步恒大後塵,變相帶嚟嘅影響會擴散至成個內房股。
William又話,依家受最大影響係銀行,加上內房股風險升溫,可能會蔓延至唔同行業,所以銀行、地產、保險股都可能會一齊冧落去。