【專家分析】美債息升 要重現殺高估值?
【Now財經台】美債息抽升,外圍股市開始有反應。尋晚美國科網股回落,係咪有少少今年初殺高估值嘅影子?
今時唔同往日,華盛證券證券分析師聶振邦表示,港股科技板塊已經好弱勢,不過同8月低位相比,下行空間有限;加上市場目前聚焦監管消息,債息上升反而唔會太影響股價。
如果睇債息仲有機會上,係咪要好似年初咁部署返啲金融股?
好似友邦保險(01299),今日都升咗上嚟,係表現最好藍籌之一。今年第一季債息升得最急嗰陣,股價遠遠落後滙豐控股(00005)同渣打集團(02888),但可能只因為友邦反應比較早,舊年11月底已開始反彈到今年1月中,累升50%!
聶振邦指,友邦今次升勢係因為有資金部署,與債息關係不大。佢預期股份喺11、12月將會受惠行業因素。