【專家分析】美股炒指數不如分注炒板塊
【Now財經台】美國通脹預期持續升溫,雖然分析員仍睇好標普500回報跑贏通脹,但標指已經自年初高位回落逾10%,睇返1970年以來嘅數據,出現呢個跌幅後半年,指數平均都未能完全收復失地,甚至有機要再插10%,喺高通脹下,企業盈利帶領股市向上嘅機會有幾大?
東亞銀行財富管理部首席投資策略師李振豪指,由於聯儲局現時喺加息方面較鷹,美股仍會受壓,不過,美國11月8日會舉行中期大選,因此,如果5月、6月搞掂加息,盡快喺呢浸跌浪揾到個底,下半年就有機反彈。
Frank又認為,美企盈利唔差,只係加息收緊咗流動性,而標指嘅金融、能源、物料板塊仲升緊,佢建議,與其炒指數,倒不如考慮分開板塊投資。