【專家分析】長汽股價3大「死因」
【Now財經台】有分析員喺一個月前嘅上海車展車展開幕時出報告,估計有多款新車推出嘅長城汽車(02333)會係最大贏家,但截至今日中午止,長汽股價喺過去1個月及今年都累跌20%,之前又畀摩笛出報告唱淡,股價係咪會繼續跑輸?
耀才證券研究部總監植耀輝認為,長汽股價表現唔好有3個原因,第1,缺「芯」問題,第2,原材料價格升,令到一直走平價路線嘅長汽,無辦法轉嫁成本,第3,汽車產業競爭加劇,就連華為都想踩入汽車市場。
至於今日「獨跌」嘅恒大汽車(00708),雖然股價過去個月累跌36%,但今年累升44%,跑贏哂同業。
不過,植耀輝話,除非恒大汽車之後真係有新車落地、賣得到,否則,股價走勢只會愈嚟愈差,如果投資者齋炒憧憬揸咗貨,佢建議趁早減持。