【期匯決算】油價升穿呢個位有機見105美元
【Now財經台】雖然憂慮全球經濟衰退,美元亦強勢,但油價仍有得升,因為OPEC+可能減產以穩定全球油市嘅建議,最新獲阿聯酋支持,油價8月至今暫時輕微向上,要扭轉6月及7月跌勢嘅機會大唔大?
Z.Com Bullion亞太區業務總監杜浩霆指,市場一直認為油價可以守住每桶87.5美元,而OPEC+會喺下星期開會,之前油價應該會有支持,但近期市場最關注係美國石油庫存,而近兩個星期都係以下跌為主,市場估計庫存短期仍會下跌,如果開會前升穿95美元,有機會彈上100美元至105美元。