李家超稱北部都會區及椅洲填海都要推展

行政會議召集人葉劉淑儀早前接受訪問嗰陣提到,如果資源有限,北部都會區應該優先於交椅洲填海。特首李家超今日話,兩個項目都要推展,目光要睇遠一啲。 佢話,土地限制咗香港發展,兩個項目長遠到30至50年,所以要跑贏其他競爭對手,眼光就要睇遠一啲,而發展局亦諮詢緊各界意見。 另外,李家超聽日會出席博鰲亞洲論壇年會,總理李強以及國際政商領袖都會出席。