【股市脈搏】百威有貨要睇實呢個位
【Now財經台】百威亞太(01876)股價今朝平開後,一度跌逾7%,低見20.15元,跌至3個月低位,其後跌幅收窄,最新報20.9元,暫時成交金額逾9000萬元。
百威今朝受壓其實冇咩消息傳出,集團將會喺10月27日開市前出第3季業績,所以開始有大行做預測,普遍都睇得唔太差,摩根士丹利維持百威「增持」評級,但輕微下調目標價,高盛就維持「買入」評級及27元目標價。
百威股價暫時已連跌3日,今日失守250天線,落到20元水平嘅前期低位時,見到有買盤吸納,不過,睇返MACD,快線及慢線都喺熊區,而快線已跌穿慢線,走勢轉弱,後市要留意20元水平有幾大支持。