【股市脈搏】螞蟻消金增資計劃煞停 邊個影響最大?
【Now財經台】舜宇科技(02382)中午公布退出增資螞蟻消費金融計劃,股價午後靠穩。
今日中午舜宇通告指,收到螞蟻通知因有若干認購人退出股權認購協議,螞蟻決定暫緩今次增資計劃。
雖然通告「無開名」提及退出的認購人,但矛頭直指中國信達(01359)。深圳上市的另一名認購人魚躍醫療(深市:002223)指出,因信達嘅退出,螞蟻需要更新增資計劃的內容,所以魚躍決定等螞蟻交出新計劃再做投資決定而暫緩。有關消息對信達股價影響極大,股價曾跌12%,舜宇反而不跌反升。
舜宇本身做開手機攝像模組及車載鏡頭,喺監管嚴密嘅時期,突然斥資18億人民幣入股螞蟻6%,上月股價最多跌半成,至今累計跌幅接近兩成,調整都幾深。
不過技術上,股價一開市就跌落去210蚊樓下,大概喺250天線嘅位置,開市表現比較差,明顯係有投資者睇住信達嚟一齊沽埋舜宇,今日若果守得到250天線,有機會展開反彈。