【胡．說樓市】新樓住咁細！室內裝置點遷就？

問下你，知唔知目前香港平均居住面積中位數係幾多？是40平方米，大約三個泊車位般大。以平均一戶住2.8個人推算，人均面積只得153呎！多得政府過去大力推動限量地，衍生大量納米樓，新樓住咁細，究竟室內裝置點遷就？ 這個馬鞍山「薈朗」剛入伙的單位，內櫳實用297呎，講真已算不錯。開放式廚房，雖則要劏開兩截擺，一邊放到頂廚櫃，而微波爐、迷你雪櫃就要共治一爐，放近玄關位置，業主入伙則找來驗樓師詹濟南幫手驗樓。 全屋發現疪瑕並不多，只是設計上盡見迷型戶型特色。洗手間設計趨向迷你化，但也算五臟俱全。企缸由上而下，設有照頭淋的花灑頭，旁邊設置三層鋁板，方便擺放洗澡用品。 走出客飯廳，驗開放式廚房。廚櫃面上有兩個設計問題，包括煮食爐背裝上毛巾架，但使用上會被水龍頭阻擋擺放，而旁邊的電掣位，在設計得未算周到。 講到尾也跟空間細。至於其他地方一律過關，包括來去水。望望廚櫃底，鋅盆跟隔離洗衣機共用一條去水道，但為免造成倒灌，加裝了一條去水位，驗樓師表示這種做法值得一讚。 不是住得貴、就是住得細，居住空間愈來愈壓迫，但實情蚊型單位樓價並不相宜。用差估署價格去看，實用面積少於40平方米的單位，最新平均呎價要15173元，按年大升16%，升勢跟換樓市場差無幾。靈活應變的香港人還有沒有方法自救？