香港股市 已收市

【胡.說樓市】買樓遇正化妝樓!單位究竟衰咩?

買樓最忌遇正化妝樓,喺睇樓嘅「黃金十分鐘」內,真係好難睇出層樓係咪化妝,今次故事嘅主人翁John,就疑似遇上化妝樓……

要成家立室,又覺得去年市況回落啱時間, John踏出人生第一步,在屋企附近搵盤上車,鎖定銀碼四百萬樓下。經紀介紹白田這個私樓單位,銀碼、尺寸符合條件。方正客飯廳雖未至於很寬敞,但勝在入門口旁廚房設間隔牆,較現時新盤開放式,二手舊樓也有可取地方。

John坦言,當初進入單位時,第一眼望覺得很大浸裝修味道,覺得很新淨,像新樓般。覺得單位很四正、很光猛、很多窗,覺得上手業主也很有心思,將單位裝修得頗為企理才出售。

唯一挑剔是洗手間坐厠去水慢。客飯廳頂部也有一撻黑色污漬。覺得筍盤難求、一閃即逝,所以也很爽快就扑鎚簽約落訂,只是成交後一連串問題才陸續浮面。

John指,他循例去問下管理處,與看更伯伯傾談、再看看大廈的通知有沒有維修等,都發現業主立案法團會刊登會議紀錄,才發現原來上手業主有投訴過有滲漏。細看之下,才發現滲漏遍布單位不同地方,不單客廳有,就連廚房近窗口位也有。揭開洗手間的假天花抬頭一看,頂部更露出生鏽鋼筋。

一路收樓,單位問題一路浮現。由於買二手樓屬於「買現狀」,業主很可能需自行花錢維修。

與其收樓後才逐樣執漏,對準買家來說,睇樓黃金十分鐘,又有沒有什麼重點應該捕捉觀察? 請繼續留意《胡.說樓市》及《Yahoo財經》平台的節目,我們繼續看看John單位隱藏的其他問題,以及請專家教路。