【股市脈搏】「7‧1刺警案」打殘維他奶股價
【Now財經台】維他奶國際(00345)股價今朝裂口低開逾11%後,跌幅一度擴大至近15%,低見25元,成交股數較過去100日同時段飆升逾55倍。
7月1日喺銅鑼灣發生嘅刺警案,行兇者係一名維他奶員工,其後公司發表嘅言論,惹嚟內地網民不滿,兩個內地代言人更宣布終止合作。值得留意係,維他奶依家喺靠內地業務食糊,公司66%收入係來自內地。
維他奶股價今日一跌,已跌至1年低位,RSI就跌至29,後市要留意事態發展,睇下公司可唔可以好似Adidas、Nike咁,股價喺新疆棉風波後再次企返穩。