怕外傭患病 香港僱主慘成驚弓之鳥

前排有單受聘於巴基斯坦裔六人家庭的菲傭被炒，估唔到咁快就有香港僱主成驚弓之鳥。

話說網上一個外傭討論區，熱議自己請人前有無保障，有僱主直言：

「因為工人有病被炒單新聞，令到我防範心強烈咗，好驚自己中招，所以想問一下大家經驗及意見，我13-3-2019新工人到香港，即日她會在香港驗身，但報告14-3-2019先出到，會不會我14號知道佢驗身結果正常，才接返屋企會有保障啲呢？(當然我有買綜合及危疾保險) 」

大家都表示異常擔心，討論焦點在於僱主幾時開始要「上身」，至於agent講明如果驗身唔合格可以換姐姐，但到時又會唔會「走數」？

有僱主教路，為保障自己，最好都係有報告後才接外傭，甚至「幫外傭驗多幾樣」，因為一般驗身程序，好難驗出某些疾病；有僱主仲話，自從外傭因病被炒事件發生，相信危疾保險生意，會長做長有了。

小編有幾句意見，唔知咁講啱唔啱。

正如梁家輝話，唔同僱主都有苦衷，保障自己都無可厚非；外傭都有好人有壞人，但對菲律賓呢個國家點解印象咁差，甚至見到有人覺得，菲國驗身報告都可以係假？咁就應該同呢個國家過去俾人嘅形象有關了，又或者係一班害群之馬，做衰個朵……去到呢度，小編有時都唔敢怪香港人，會有咁無情嘅一面，因為香港人面對的，也是城市人艱難的生活。

來源：外傭僱主必看新聞訊息

===================

19網輕鬆爆料熱線，歡迎舉報老細同事19惡行，立即click入去講畀我哋知啦