【熱話】賣WhatsApp貼紙 咁都搵到錢？

WhatsApp最近新推貼紙功能，全天下打工仔都一窩蜂沉迷交換新儲返來的貼紙，返工放工都爭住同同事朋友share，希望趕上呢個新潮流。為咗率先在其他同事面前，拎到更多貼紙用來「演嘢」，唔少朋友都立即加入咗有大量貼紙分享的WhatsApp群組，一來攞到「第一手」貼紙，二來周不時遇到好心人分享一啲技術文，仲可以趁機偷師。

話說有人無私奉獻，寫咗個apps同網站，免費教人一齊開心用converter，但近日就疑似被人偷圖牟利R生意，講緊嘅係幫人度身訂造WhatsApp貼圖，一套包6個貼紙，可以幫手將圖片剪裁同褪地，原價$238，優惠價$88，結果令無私奉獻嗰位巴打上網怒吼：「終於明白香港人有幾下賤。」

睇留言，有人覺得香港人就係咁，炒樓炒車位炒iPhone，唔會錯過任何搵快錢機會；有人就覺得「中國人就係唔抵得人賺錢」，既然樓主怕比人賺，就唔好「無私」整貼紙。

不過「原創」樓主就堅持WhatsApp Sticker係免費嘢，提醒大家唔好畀錢人賺。

如果係你，你又點睇呢啲「食腦」行為？偷免費嘢算唔算偷？

來源：連登/安裝教學link

===================

19網輕鬆爆料熱線，歡迎舉報老細同事19惡行，立即click入去講畀我哋知啦