【熱話】Agent瞞住打工仔傾Offer

好多打工仔都會經Agent搵工，但你有冇聽過有agent竟然會瞞住打工仔，代打工仔同公司傾Offer？

有打工仔最近喺網上提醒，話自己正正遇到呢類Agent。話說agent介紹份工俾佢，再安排佢去呢間公司面試。面試前agent已經同佢講，記得expect salary要加30%。但呢位打工仔覺得跳槽加10%已經好滿意，所以填表果陣照寫+10%。

三輪interview過晒，間公司hr話應該好快就出到offer，結果等咗2星期都冇消息。打工仔問過agent，次次都話跟進緊。

最後打工仔直接打俾間公司hr問，hr坦白講fulfill晒佢地要求，不過個agent企硬要加30%，否則唔放人。激到打工仔生蝦咁跳！

打工仔想睇吓有冇方法繞過agent直接同HR傾offer，但hr好婉轉咁表達，多一事不如少一事，突然越過agent可能有法律責任。

打工仔就慨嘆，自己跳槽都冇得話事，明明見得成份工都冇offer，所以講明以後唔會再經agent搵工。

無計啦，因為好多agent都係睇住打工仔份人工收佣，打工仔搵得愈多，agent落袋就愈多。呢個都係唔少打工仔中意搵agent嘅原因，因為知道agent會盡力幫自己fight人工。

來源：香討

===================

19網輕鬆爆料熱線，歡迎舉報老細同事19惡行，立即click入去講畀我哋知啦