雅虎香港財經 
診所職場事【寶豬趣聞】靠唔住嘅樣｜珍寶豬
有日一位先生嚟到診所。
佢行埋嚟登記處冇出聲，淨係用對閃爍眼睛望住我～
撰文：珍寶豬
延伸閱讀：
加息周期殺埋身 銀行體系結餘快跌穿500億 投資變陣 收息股要咁揀 | 港股分析
想日日瞓到自然醒唔使做 要用呢個方法達到財務自由 | 理財入門
我：「係咪睇醫生呀？係嘅俾身分證明文件我登記啊」
佢對眼在閃爍：「我嚟問少少嘢咋」
我想拎屋企個煎PAN煎你幾嘢，我：「問嘢問醫生啊，我同你登記先呀」
佢：「係咪咩都識咩都答到㗎？」
我：「醫生會盡佢能力㗎啦，如果呢度都幫唔到你嘅，醫生都會轉介你去專科，放心呀」
佢：「哦～原來係咁呀？」
佢又企咗喺度。
我：「咁你係咪睇呀？係嘅登記啦～」
佢：「喺度問方唔方便呀？」
我：「唔方便，醫生唔會出嚟我呢個位㗎，你要入房同醫生傾㗎」
佢：「入面冇啲咩㗎嘛？」
入面又唔係有猩猩王，你怕咩？全診所最大件嘅都已經喺你眼前啦～
我：「入面可以有啲咩呀？」
佢：「哎，我問吓啫」
我：「咁我哋可以登記未啊？」
佢：「我可唔可以入房參觀咗先考慮睇唔睇呀？」
參觀？醫生房有咩好參觀呀？你食BUFFET會唔會入去行個圈望吓有咩食先決定食唔食呀？睇怕你會…
我：「唔好意思呀先生，我哋不設參觀㗎」
佢：「咁你可唔可以叫醫生出嚟俾我望望呀？」
你當自己喺骨場揀女呀？
我：「先生，其實你係嚟睇醫生定係嚟睇醫生個樣呀？」
佢：「我想睇吓醫生信唔信得過咋嘛」
靚仔冇本心靚仔信唔過，醫生一定信得過！我拍爆自己心口向你保證！
我：「醫生係專業嘅，你放心啦」
廣告
佢：「但係我都係想睇睇個樣先」
日頭唔好講人，醫生應該見我咁耐都未成功登記就行出嚟問：「有咩事呀？」
閃爍的眼睛不再閃爍，佢：「我….」
佢轉身離開診所了。
醫生問我：「咩事呀佢？」
我聳聳肩：「唔知啊」
可能醫生你個樣靠唔住卦～
體驗1分鐘貸款批核，隨時提款話咁易！
申請DBS Black Card簽賬滿$5,000，即換取台灣來回機票!
延伸閱讀：
