調查發現 51%HR會網絡偵查求職者 3招執靚社群履歷
咩係社群履歷?喺社交網絡發達嘅年代,大家都習慣將日常生活的大小事情上載至社網站如Facebook、IG、Snapchat等。與此同時,一些大公司都與時並進,開始喺社交網絡搵求職者嘅「社群履歷」。據人事顧問公司Adecco一個調查就發現,有51%嘅HR,曾經因為求職者喺社交網絡發表過不當發文或圖片而拒絕其申請。所以千祈、千祈唔好亂咁喺網上發表不當言論呀!
見工之前,不妨先上網Google一下自己個名,睇下會Search到啲乜嘢!如果真係有負面嘢都唔使驚,而家開始補救都唔遲!以下教你3招將「社群履歷改邪歸正」!
延伸閱讀:
3招執靚社群履歷
1. 開設一個專業Email
重新開一個專業Email帳號,避免用唔合適嘅帳號,亦唔應該改一啲奇怪嘅名字。
2. IG、Facebook要「隱惡揚善」
盡量花啲時間重新檢查一次你嘅IG、Facebook內所有貼文及上載過嘅照片,如果當中有影響到你個人專業形象嘅內容,最好就刪除或設定成不公開。相反,若有「好人好事」發生喺自己身上,就應該設定成公開,實行「隱惡揚善」嘅宗旨。
3. LinkedIn建立專業形象
呢個係行政人員常用嘅平台,善用呢個平台可以幫自己打造專業形象,建立人脈及提升自己嘅知名度。
2018唔買樓唔炒股 人民幣比特幣又點睇
立春後首日恒指急跌 戊戌狗年港股走勢玄學預測
延伸閱讀: