【企業錢途】 請人必定睇mindset （林苑莉）

有一間企業要贏的必殺技，團隊夠強請到高手更好。請人，請啱人是重點。適當的經驗、背景、能力等客觀條件外，睇求職者mindset是重中之重，等同Due Diligence 一樣。

mindset – 思維模式可分維兩大類：fix mindset & growth mindset (固定及生長型) 兩者最大的不同是，兩者對其能力，天賦，才能的睇法而影響當下落的決定和做法。講得白–個人醒唔醒，遇事會唔會變通，失敗後會唔會東山再起等等……

Fix mindset 顧名思義咩都係固定，例如：我係咁架啦，畢咗業，識到咁夠啦，做多啲，學多咗都冇用，學來做咩；呢啲我唔識，點解我做，畀其人做啦；個項目做差咗失敗咗，下次唔做，廢事煩……Fix 主張天賦，能力才能是有限制，覺得人唔會變，事要就住做。其實，即使有能力，佢都唔想有改變同唔想人做。

Growth mindset 完全相反，例如：呢個唔識做，有冇其他方法做，有冇crossover ? 今次死咗火，下次點改善，有冇新方法做好啲？有新嘢，正！Growth Mindset 主張天賦和能力才能有成長的機會，不設限制，容許創新容許改革。

所以大家平常遇到有啲人你點講都唔變，唔係無心只係無意。人才的重要性無可置疑，請到growth mindset 等如得到寶。不過要是Fix mindset 都不需傷心，因為Mindset 有方法可改變。

現時很多大型企業，IBM，google等都有用方法分析入職者是Fix or Growth Mindset。所以想錢途無限，Mindset – 心計為上。

下一次再同大家分析用科技如何助企業分Mindset。