香港股市 將在 3 小時 22 分鐘 開市

【花見2019】去日本賞櫻之錢銀規劃(交通篇)

花見之旅每日重點項目係游走賞櫻名所,甚至參考開花情報追櫻,交通成本自然唔平,想用得其所,最好事先做好交通方案取捨規劃。

順便賞櫻抑或主力追櫻

花見之旅通常分兩種,一是去心水景點順便賞櫻,即是景點是主菜,順道睇到櫻花就當Bonus;二係純粹睇花,最好日日都有得睇。

如果你屬意前者,旅程又集中在一個大城市加一、兩個市郊地區,例如東京加河口湖,其實未必需要買JR Pass,皆因即使係用地區Pass,都必定係搭得越多、越遠才有賺。如果你的行程簡而短,改搭長途巴加私鐵,可能較用JR Pass更舒適及經濟。

以賞櫻最熱門的關西地區為例,假如你係集中玩京、阪、神,用支援私鐵、地鐵的關西周遊卡就較買五日關西廣域Pass更划算。又如近年大熱的名古屋+白川鄉+高山行程,亦可以用昇龍道高速巴士券取代售價較貴的高山、北陸地區周遊券。

乘搭巴士其中一個被人忽略的好處,係大城市巴士站較鐵路月台好找。雖然鐵路大站很易認,但站內通道恍如迷宮,趕車時要找月台是一大挑戰,怕蕩失路的話,改搭巴士反而較安心。至於純追櫻,就較適宜用JR Pass,甚至考慮買全國Pass,從而全面提升自己的行動力,當開花狀況有變亦可以即時調整行程跨縣追櫻。

租車三大考量

除了鐵路、巴士,有牌在手都可能會考慮租車自駕。雖然相對唔少國家,日本算係「自駕友善」地區,不過港人在日本自駕出意外時有所聞,甚至有沖繩租車公司員工笑稱港人是「炒車高手」。自駕最大開支肯定係「炒車」,唔想掃興,自駕新手上網訂車前要考量三件事。

一是自己個牌雪藏了多久?自駕遊唔係用來練車,如果你在香港完全唔揸,應該在出發前三個月找師傅補堂,再搵識揸車朋友傍住密密練車。最好有一名熟習揸車的朋友輪流揸,這樣才不會將自駕遊變大膽車之旅。

二是車型,有人會想當然認為租車越大越好,坐得舒服又方便放行李。但如果你對自己技術沒有十足信心,建議還是選擇容易操控的四至五人車款。

三是行程規劃,常見誤判係坐完通宵機就緊接在早晨租車自駕,試想像你在香港都甚少返通頂後再揸長途車,更何況是在路不熟的異鄉。另一常見問題係規劃行程時只顧一次過盡去想到的景點,忽略點與點之間的車程,聽過最誇張行程係早上到輕井澤,之後揸六小時車到金澤,還要係落雪季節,不想讓自己成為長途貨車司機,規劃行程時便要留心估算一下車程時間了。

當然要安全至上,最好係租車時加購免責賠償及NOC(表1),並選擇一些提供租車墊底費的旅遊保(表2)

表1

表2