加拿大變熱門大麻旅行團 再去韓國會被捕?
加拿大上月正式進入大麻合法化嘅新紀元,所有人士可以自由吸食大麻,並非一定要有醫療用途。加拿大係第二個國家進入呢個「大麻派對」,對於唔少大麻愛好者而言,加拿大頓成一個天堂,甚至於別國都出現唔少寫到明係去加拿大食大麻嘅旅行團。不過,大家可能會誤墮法網!
日前南韓就提醒市民,國家禁止吸食毒品,唔單止國內嚴禁食用,就算去咗外國食過再返國,一旦發現,罪名仍然唔輕,包括最多5年監禁及罰款約5萬美金。此舉主要係防止於加拿大讀書嘅3萬多位南韓留學生,唔想佢哋喺加拿大讀書時可以借故合法食大麻。但係,條例同時適用於遊客,即係話萬一不幸喺南韓時被發現你曾經吸食過大麻,一樣有罪。大家可能會話,過咗去嘅事佢哋點會知?唔好忘記,依家有FB有IG,好多人會喺加拿大合法食大麻嘅相都貼上去,咁要查到又有幾難呢?大家好自為知啦!
![](https://s.yimg.com/ny/api/res/1.2/9L6tfU9WdWa3dL4CZsoizQ--/YXBwaWQ9aGlnaGxhbmRlcjt3PTk2MDtoPTU0MA--/https://66.media.tumblr.com/14da10a58bcd343fb8ac4257fd44aa30/tumblr_inline_piecfaJugt1t92yk3_1280.jpg)
去完加拿大合法食大麻再去韓國,一樣會被人拉。
![](https://s.yimg.com/ny/api/res/1.2/GOnlvtKIi4hH0NEnoPLh_g--/YXBwaWQ9aGlnaGxhbmRlcjt3PTk2MDtoPTYzNw--/https://66.media.tumblr.com/fb5b1210426798e735917b09bf4f835a/tumblr_inline_piecfgF4s21t92yk3_1280.jpg)
罪名唔輕,包括最多5年監禁及罰款約5萬美金。
![](https://s.yimg.com/ny/api/res/1.2/QcfdE4nDhkBiZVXPs17nrg--/YXBwaWQ9aGlnaGxhbmRlcjt3PTk2MDtoPTUyNA--/https://66.media.tumblr.com/cae5cda35f74bcff6fd7d8c395443dd0/tumblr_inline_piecfmAuas1t92yk3_1280.jpg)
韓國演藝圈吸毒成風,唔少韓星都被發現有吸毒習慣。
相關文章:
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!