雅虎香港財經 地產代理淘汰戰升級 有分行出2萬元底薪「求有能之士」
疫情反彈，交投下跌，整體樓市氣氛欠佳，但地產代理人數卻逆市回升，競爭漸趨激烈，搶樓甚至先搶人﹗最新就有代理在社交媒體貼出招聘廣告，以2萬元底薪作招徠，寫明「寶劍贈英雄，重賞徵勇夫」，求有能之士，從而引起熱議。
股、外匯、加密貨幣免費即時報價，自選投資組合獲取相關新聞提示
兩萬底薪「寶劍贈英雄」
該招聘明言這是「汰弱留強嘅市場」，有能力的人應該爭取應得待遇，要得到「應得人工」、「搵代理做嘢唔該俾足錢」等等；貼文還配有大疊港元「大牛」圖，和一張龍椅圖，寫明「虛位以待」，示意分行有錢有位，只是欠人。
傳有大行兼職代理底薪2500
根據資料，傳統大中型地產代理行的代理月薪，一般底薪約7000至8000元，早前有大行甚至被傳兼職代理底薪2500元，惹來一片嘩然，雖然後來稱是抹黑，但也多多少少比較到，2萬元底薪出手非凡。
網民對「2萬底薪」代理議論紛紛，有人好奇會否有特別條款？會否「跑唔到數問你拎返」？有人則覺得策略不錯，月薪上調，佣金下調，反正都是請回來用「人海戰術」；有人則認為要早點「唔批唔簽回贈form」，解決回佣問題。
競爭環境激烈
轉行做AA有2萬元底薪，你覺得吸唔吸引？不過睇報道引述數據，競爭環境的確激烈，地監局數據顯示，截至8月底，持牌地產代理共有41684人，但同期物業成交量就只有約5200宗，差不多8人爭「一刁」；今年初至今計算，情況更加惡劣，一手私樓，去到每個月約37名代理，搶一單生意。實際以屯門NOVO LAND為例，項目超額認購逾48倍（根據第三輪銷售時的報道，項目累計8,387票，其中202票為代理入票），代理搵到客入票，都未必抽中，據說有AA入票幾乎「全軍盡墨」，又嘥心機捱眼瞓，運氣嘅嘢，又唔係「有能之士」能解決到，認真唔易做。
是日精選：
