外國研究:忙主管難公平對待下屬
主管都係人,原來喺佢極度繁忙嘅情況底下,好快就會變成壞主管。 據早前刊登於《Academy of Management Journal》一份研究指,主管無法公平地對待下屬,係因為佢哋太忙咁話喎。
透過3項相關研究得出結果顯示,隨著主管工作量增加,佢哋傾向優先考慮可支援公司嘅事,而忽略公平處理下屬紛爭。研究人員解釋,工作過勞嘅主管們面臨死線壓力時,往往把自己嘅原則置於一邊不顧。
有趣嘅係,主管們以公司大局為重,讓下屬蒙受不公平對待嘅委屈。但研究報告指出,通常「大局為重」,最終亦無助改善公司情況。 另一方面,研究人員發現,當主管們處於一個有獎勵、有人認可嘅環境下工作,就算幾忙都好,處理任何事都會「公平」行先。事實上,作為稱職嘅好主管,忙極都應一視同仁,尊重下屬,並維護其尊嚴。 不過,若然你嘅老細平時點都唔理下屬死活,亦從來唔會表揚下屬嘅貢獻,處事唔公正,相信唔係因為佢忙,而係自私囉,忙只會令佢更加自私。 來源:Ladders
===================
19網輕鬆爆料熱線,歡迎舉報老細同事19惡行,立即click入去講畀我哋知啦